التسعينات..

التسعينات

اليوم وانا عم اسمع اغاني طلع هيك كم غنية لوائل كفوري من ايام التسعينات.

رجعوني كتير كتير لورا..مو لاني كتير كبير..لا بس لانو رجعولي دفى..من زمان ما حسيتو

ايامها ما كان في دشات..كنت تلاقي الشب غالبا سارق سيارة ابوه اللي نايم بالبيت ومطمئن-وممكن يكون بيعرف انو ابنو اخد سيارتو-سيارة مازدا 929 زيتي او كحلي-ما في غيرون هاللونين-وبيمر من تحت بيت حبيبتو بالحارة..الكهربا مطفية..مطر وبرد بالحارة..ام عم تشتري لابنها قلم مشان المدرسة وتجليد ازرق واحمر-مشان النهاري والليلي واسود كمان مشان الطلائع والمسودة-

كان الولد مننا ينضب بتختو الساعة 7 او 8 بالكتير! وكل الولاد الصغار اللي بالابتدائي فارقين شعرون عجنب

الصبايا تبع الاعدادي والثانوي..كانو يفتحو زرار الجاكيت وهنن رابطين شعرون دنب حصان والشباب وراهن عم يلطشوون..وبما انو حارتنا كانت شوي مخباية..فكتير احيان تلاقي هيك كمشة عشاق موزعين هون وهون

ما كان في لا موبايلات ولا فيس بوك ولا مدونات مطرح ماعم تقروا هالحكي هاد هلق.

ولا انترنت عموما يعني

لك ولا حتى ستار تكسي..ولا هالكافيتيريات المليانة بالبلد ولا سيارات جديدة وعجقة.

شو المميز بهديك الايام لحتى بحسها دافية؟ كانوا الناس يمكن يحبو بعض عنجد؟

ما بعرف..صدقا ما بعرف..بس اللي بعرفو انو انا حدا جدا سعيد..لا لا..بل جدا جدا سعيد ..اني لحقت ايام الدفى هي..

ويرحم ايام التسعينات..

مايسترو

This entry was posted in Uncategorized. Bookmark the permalink.

3 Responses to التسعينات..

  1. dima says:

    يمكن بعد شي 20 سنة رح نقول ما احلى دفء أيام 2010
    يمكن نحنا تلقائيا بيصير عنا حنين للماضي , يمكن لأن عنجد سرعة الحياة يلي عم تصير عم تخلي الاشيا تستهلك ةتفقد دفئها
    ..
    مبروكة المدونة !

  2. mistro88 says:

    يمكن..بس بالاخر دفا عم نفقدو

    الله يبارك فيك..بجهودك..

  3. أولاً: مبروك صديقي
    ثانياً: بالفعل جعلتني أشعر بهذا الدفء… ربما لم أعشه بما يكفي، لكنني أذكر بعضاً منه.
    وثالثاً: رغم إعجابي وحنيني لدفء لم أعشه كثيراً، إلا أنني أشعر حقاً ببعض هذا الدفء اليوم، رغم الحداثة، ورغم السرعة، ورغم الـ فيس بوك! الدفء وليدنا نحن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s