موضوع الامل والياس والتفاؤل والتشاؤم موضوعات مهمة بحياتنا بالعموم..بتحس انو هالشغلات متل الانفلونزا!
يعني واحد قاعد جنبك بالباص..بتشوفو قالب خلقتو..ومتدايق فجاة بتلاقي حالك بلا مبرر صرت متلو هيك من الله!
وبتسال حالك ولووووووووووو من وين بدنا نجيب الامل؟
من وين بدنا نشتريه طيب؟
اذا عم ينباع بكتب الابراج..والكتب حقها هديك الحسبة..(طبعا اذا افترضنا انو نحنا ما اشترينا النسخ المصورة)
من وين منجيب حقو ؟
انا معك بكل الحالات انو الامل عم يتضاءل حجمو كل يوم اكتر
ومعك..بأنو..صعب تتفائل
بس اذا بدنا نطلع من طرف تاني..من زاوية أخرى..اي زاوية بتحبا مش مشكلة..رح تلاقي انو في شغلات كتيرة بتستاهل تعيش مشانها..و أنت أهم هالأمور هي على الإطلاق!!
ومن طرف تاني..غير حضرتك..في شغلات كتير تتفائل مشانها..أنت أدرى مني فيها،موجودة بحياتك،بتفاصيل شخصيتك حتى بنظرة عيونك.
ورح تلاقي انو بيوم ما بتتفائل فجأة بتحسس أنو الأمور صارت أبسط بكتير!
بتمنى نجرب..مارح نخسر شي
وبالاخر نصيحة صغيرة…
بهالموضوع تحديدا..لتسال حكيم و أوعى يخطرلك تسأل مجرب..!!
المايســـــــترو 
والله يا رفيق التشاؤل أحسن شي.. أو إذا بدك التفاؤم!
(بصراحة بيني وبينك أنا متفائل على طول)
والله يا رفيق..التشاؤل
شي مهم ..مشان هيك قلتلك سال حكيم واوعى تسال مجرب
محبتي