منحبكجي أو مندس…تعا لنحكي كلمتين خيي..

كيفك خيي؟

هلق انت مندس او منحبكجي..هاد السؤال الاكثر انطراحا بالشارع السوري اليوم

هاد الشي مبدئيا اله ايجابية ..كتير مهمة..ماعد حدا سال شو طائفتك…شو دينك..الكل توحد بطائفتين…لغينا باقي الطوائف بهاد السؤال!

(للأمانة الفكرية-الفكرة اللي فوق مو من إختراعي عموما..بس عجبتني)

منرجع..بس حدا فكر فينا..مندس أم منحبكجي مرّ..انو في شي أهم؟

انو سقط ..لم يسقط..سيسقط النظام المجرم..سيبقى النظام المقاوم..لك أخواتي…مو ملاحظين انو سواءا سقط او لا..في مرحلة كتير مهمة فايتين عليها هلق؟

مو ملاحظين انو سوريا أبدا مارح تبقى متل ما كانت قبل؟

مو ملاحظين…انو الشغلات اللي ياما تعبنا منها و قرفناها وكفرنا برب البلد من وراها..اليوم عنا فرصة ألماسية تاج راسي لنخلص منها؟

وكلنا منعرفها..وكلنا مارسناها…أبتداءا من عشر ليرات-اوبس غليت التسعيرة هلق-لموظف حتى يمشينا..لشرطي المرور..لعدم التزامنا بمليون قصة!

لك خيي اي اي بعرف والله بعرف انو في أمن قتلو عالم…وخيي المنحبكجي…سمعني…بعرف انك مقتنع للعظم انو في مؤامرة قاتلة تستهدف راس الحية..عفوا قصدي النظام المقاوم الممانع..لك بس يا جماعة..في شي أهم!

خيي المنحبكجي..طلعلي هويتك..شفلي شو مكتوب فوق:الجمهورية العربية السورية

مو الامة الاسدية!

فخففلي استفزازك و ضحكاتك اللي عم توزعلي ياهن هون و هون..وسبني لتشبع بس لتخلص قراية اذا كملت!

وانت خيي المندس…نفس الشي مكتوب على هويتك..مو الامة المندسة مكتوب مكتوب نفس الجملة فوق..بالعلامة اذا بتقلب هويتك رح تلاقي شعار الحزب

-في اشاعة قال رح يغيرو الشعار ويخلوه وحدة اشتراكية على طول بدون ما يوقفو بترانزيت الحرية!! لا تصدقوها بس..)

المهم..خيي ليك..سوريا سقط ام لم يسقط…رح تضل سوريا..بالالف الممدودة حصرا اذا بدك..وسقط ام لم يسقط رح اختلفت عن قبل..وحاجز الخوف انكسر و مشي الحال..خلينا نفكر كيف نحنا ممكن نعمل شي لننهي الفساد..مني ومنك خيي..

منبلش سوا

This entry was posted in سياسة. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s