من التحرير ..مرة أخرى!

من التحرير..مرة أخرى

لا أعرف حقا..لما كلما حدث شيءٌ ما في ميدان التحرير..يرتب لي القدر ان أكون موجودا..!

هذه المرة..لم يكن لدي اي سبب سخيف اعود لاجله..كنت جالسا هناكبكل رواق و عم العب طاولة كمان و ربحان و سحقت رفيقتي باللعب !!-

فجاة الناس التمت يا غافل الك الله..شاشات البلازما بالقهاوي اشتغلت..-ماسبيرو ولعانة-!

ماسبيرو هو مبنى الاذاعة و التلفزيون المصري

وعلقانة يا معلم بين الجيش و الاقباط..كانت نتيجة المواجهات:٢٤ شهيد مصري كانو حاملين سلاح عاساسو ٠ شهيد من الجيشكانو عزل!

طبعا لما شفنا اللي عم يصير عالتلفزيون..قررنا نمشي.

بس الرفيقة تنحت..ما بروح..بدي ضل

كاتب هالسطور عمل فيها شهم..انو ما بتركك

وصلنا عالتحرير..السما مليانة غاز..في ناس قاعدة عالرصيف عم تحاول تتنفس..كان في ناس وصلت من شوي..قررت تنزل بعد ماشافت اللي عم يصير..التلفزيون المصري عم يحكي بعكس اللي صار ..تماما!

رجعنا باتجاه منطقة باب اللوققريبة من التحرير كتير

الحارات محاصرة..شوية متظاهرين عم يزتو حجار..والكل عم يصرخ يسقط يسقط حكم العسكر

كان في فرقة منتشرة..عصايات ..رصاص صوتو عم يهز الغيمات..الطبيعة تعاطفت مع المتظاهرين..مافي هوا..ايدينا بايدين بعض و عم نركض و نتخبى..كل ما نحاول نلاقي مكان ..بيكون محاصر..فتنا بين الحارات

.-حسيت بلا تشابيه اني بحمص

نطت ببالي صور و تخيلات للناس اللي عم تهرب بحمص..اشكالون..دقات قلوبون سمعتا..ريحتون الزكية شميتا….من بعيد كتير..عشوي رح تطفر بعيني دمعة عقد ما اشتقت اتمشى بهديك الحارات

تخبينا بكازية..عم نتطلع من ورا الحيطان..حاولنا نمشي ورا ناس اجانب..كانو عم يتمشو..مش خايفين من شي،،ما حدا رح يحكي معون طبعا!

لو انلقطت يمكن كانو اتهموني بالجاسوسية متل ما صار مع صديق من اصدقائي!

لقينا تكسي بالاخر..فتحت الباب ودفشت رفيقتي عليه وركبت..وصلتا عالبيت..ووصت شوفير التكسي شي سبع مرات انو لا يرجعني عالتحرير..

طبعا الزلمة راسو والف سيف ما بيرجعني لهنيكانا شخصيا ما بعرف ليش بدي ارجع لهنيك مرة تانية..!

وصلنا عالبيت..مع صفنة..وسيجارة..انو يحرق اختا هالحياة

شو بتسوى؟


This entry was posted in سياسة. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s